標題: [資訊] BMW Supreme Programme車主最強防線 [打印本頁]

---

作者: nt1972    時間: 2012-11-9 12:36 PM     標題: BMW Supreme Programme車主最強防線

想架車長期保持良好狀態，定期返廠保養一定唔慳得，寶馬（BMW）最近推出的「BMW Supreme Programme」，便制訂了全面原廠保用及維修保養計劃，原廠保用期可延長至最多48個月，計劃內容涵蓋原廠標準零件、維修服務及24小時緊急支援服務，各項檢測均由接受過原廠專業培訓的技術員負責，確保閣下的座駕得到最妥善的照顧，部車「精神」啲、又有原廠紀錄，唔只易手Value高，揸都安心啲啦。

專用機油原廠油隔護引擎唔少車主為咗慳錢，都唔會定期返廠Check車，求其搵車房換吓油、更換風隔、油隔便算，其實會有一定的風險。寶馬汽車（香港）有限公司維修部經理陳偉倫指：「返廠做保養的好處是確保零件必屬原裝，而且工序均按照原廠指引及標準進行。曾有客人到坊間車房更換機油及油隔，過了一排返來再一次換油時，發現成個油隔散晒，幾乎跌埋入引擎咁滯，質量很難得到保證。」他又指，BMW用的機油Spec在坊間是買不到的，胡亂選用機油有機會損壞引擎，而且問題未必會即時浮現，過了一、兩年才發覺出問題已經太遲，甚至可能很嚴重。

2至4年計劃各有優惠BMW Supreme Programme的全面原廠保用及維修保養計劃，包括了免費詳盡的汽車檢測服務，項目包含多個主要汽車操控系統及各項細節，更換機油、機油過濾器、風隔、制動液等一律免費，若同時選購第二及第三年的保用及維修保養計劃，更可免費更換火嘴及活性炭過濾器。陳偉倫稱，火嘴本身是損耗性零件，終有一日需要更換，在零件損耗前更換不僅起了預防性作用，新火嘴還可提升引擎反應及燃燒效率，如一次過選購第二至第四年的保用及維修保養計劃，還可享一次免費更換制動片服務。

Fast Lane Service效率高港人生活繁忙，凡事都講求效率，如果換油都要擺低部車四、五個鐘，肯定畀客鬧到飛起。目前，寶馬的維修服務中心都設有Fast Lane Service，如佔地超過3,000平方米、擁有42個Workbay的荃灣維修服務中心，最快可在60分鐘（需視乎車型）完成換機油及油隔等服務，客人喺VIP Lounge睇吓雜誌、飲杯嘢就可以攞番部車，非常快捷。代理指，凡選購「BMW Supreme Programme」的客人，可獲贈原價值二千多元的汽車美容，服務包括洗滌車身、清潔車廂及手工打蠟，若選購兩年或以上的保用及維修保養計劃，還可享免費收、送車服務。

---

歡迎光臨 公仔箱論壇 (http://os.tvboxnow.com/)

Powered by Discuz! 7.0.0