公仔箱論壇 - Powered by Discuz! Board

標題: 公仔 [打印本頁]

作者: soforlee 時間: 2012-7-5 12:46 AM 標題: 公仔

以前D長輩講, 唔好隨街執公仔玩, 好邪架, 好多人迷信, 把病入膏肓小孩, 搵師傅作法把病魔附身到公仔上, 有誰執到帶會家, 就可以轉移到那家中小孩身上, 那原先的小孩就可以好返, 所以我一直對人形公仔有莫名其妙恐懼感。

tvb now,tvbnow,bttvb5 l: k- y: T; l& k: ?/ h/ A
當時讀幼稚園高班有個男同學明仔, 佢租住間屋係我前幾戶, 果間屋個屋主收左好多木柴係圍柵門口兩旁又多又密, 不易見到圍柵內及屋內環境, 我印象中只記得d木柴堆都人咁高, 當時佢係剛搬來未到一年, 所以不太熟悉, 只係每天返學都會見到佢(下稱明婆婆)同媽媽(下稱明媽)送佢出門口, 以前d人好單純, 好細個已經自己返學放學, 同時間學校就係村內, 不會擔心有壞人或意外, 個個家長都係咁有得d小孩自已去, 所以我地d百厭星一放學無皇管周圍去玩, 有時去同學家玩(大部份係同村或者附近村), 有時去d冇人住空屋探險, 畀d圍頭阿婆見到會鬧架, 所以大家都係偷偷地睇, 其中有一間空屋內種左好多竹係到, d同學仔話好猛鬼, 咪偷偷地幾個人入去睇, 當時係夏天入到去一片青青綠綠, 加上墻身深黑綠色青苔, 感覺有d陰陰暗暗, 又多又密竹樹我地入去還算容易, 如果係大人應該唔可以企直身, 仲要係好瘦小先至得, 好多男同學係咁大聲叫鬼, 所以我地幾個女同學只係去到聽中心, 停留左一陣就走, 冇再繼續入去睇, 有d男仔大膽行入去開左個門, 唔知係咩房, 太黑乜都睇唔到只係聽到佢大叫有鬼出返來, 因為太嘈跟住咪畀圍頭阿婆發現狂鬧, 即刻四散。
R* ?( \# @3 M0 s8 t

有一日黃昏當時秋季天好快暗, 明媽拍大閘大叫問明仔有冇來玩過, 明仔好小來我家玩, 原來佢一直冇返過屋企, (我地學校只係返上午, 就算點玩一到黃昏前必定要返屋企, 唔係會修理得好慘 =.=) 明媽由下午在附近差不多每家每戶搵過晒都係冇消息, 媽媽也叫我打電話畀同學仔幫手搵(果時邊有手機咁先進), 但係一直冇消息, 當時好細個冇放係心好快忘記左, 第二日經過明仔門口, 只係好冷清咁, 亦見唔到明仔返學, 如事者過左幾日朝早終於見到明仔(太耐有D忘記), 只係見到明婆婆送明仔出門口, 想問佢野但係佢唔睬人只係低頭看地下, 放學後媽同我講明媽死左, 果次明媽搵到入夜都未返, 點知明婆婆係7點幾搵到明仔, 但係到明媽唔見左, 原來果日除左明媽來搵明仔後, 明父亦係果晚來過搵明媽, 搵返個仔唔見左個媽? 通常我地d住村小朋友好早上床睡, 所以我根本唔知到有這件事, 媽話果晚好多村民都出來幫手搵, 仲報左警, 好似話深夜被發現係果間竹樹空屋內死左, 但係媽冇講點死? 仲有就係明婆婆當晚搵到明仔, 原來又有段故, 明媽周圍去搵, 入夜後怕明仔返左家, 又返屋企睇有冇, 明婆婆心裡著急又無計可施, 惟有求神燒香, 就向住門口旁木柴前誠心跪拜, 不一會奇蹟出現, 明仔竟由木柴堆內走出, 手握公仔身上還著住校服背住書包, 急死明婆婆當然質問明仔係咪玩大人, 媽媽全村周圍搵你, 你竟然躲藏係木柴堆, 你無聽到媽媽叫你咩? (當時明媽係一邊行一面大叫明仔, 正常咁嘈係應該聽到) 明仔就話唔係丫, 我聽到媽媽叫我, 但係個男仔唔畀我走要同我玩, 一面講一面打握在手上公仔給明婆婆睇, 真係嚇一跳, 係一個人形男孩公仔, 明仔話放學時老師畀左個公仔做獎勵, 返到家時好累想睡, 就入左去木柴堆內雙手握住公仔午睡, 發左個夢同左個公仔男孩玩好開心, 聽到媽媽叫我, 但係個男仔唔肯畀我走, 要我同佢一直玩, 到左日落時, 個男仔扯住我點都唔畀我走, 突然好大煙跟住就醒左。明婆婆即刻叫明仔燒香跪拜張個公仔燒毀, 唔知係咪放左明仔要明媽補上, 果晚明媽再冇返過屋企, 之後間空屋已經用鎖封死, 亦再冇人敢入去玩。. b. B) E3 {' ~

歡迎光臨公仔箱論壇 (http://os.tvboxnow.com/)