標題: [資訊] Subaru XV 水浪窩回歸山林 [打印本頁] 作者: nt1972 時間: 2012-7-1 06:20 PM 標題: Subaru XV 水浪窩回歸山林
Subaru XV 水浪窩回歸山林【東方日報專訊】西貢北潭涌迴旋處一帶是熱門燒烤地點，撞啱呢兩日係假期，唔少市民都會去玩番日回歸大自然，晏咗出發隨時霸唔到爐。買晒嘢食，冇爐點算？唔使愁，附近水浪窩仲有個大型燒烤場，而且較為少人，只要從迴旋處左轉入西沙路，朝馬鞍山方向前行約2km便到達。由於燒烤場被大樹隱蔽，揸車經過都不容易發現，當其他熱門燒烤場爆滿時，不妨去碰碰運氣！
觀星台賞景夠寫意由北潭涌迴旋處沿西沙路前往水浪窩只需兩、三分鐘車程，該處約有20個車位，而且不設錶柱，唔使掛住每兩個鐘就走去「餵老虎」，玩都玩得安心啲啦！泊好車後，過對面馬路便是燒烤場入口，大概上二、三十級石梯便到達。不過，西沙公路的汽車開得頗快，加上彎位可能影響到駕駛者視線，橫過馬路時要加倍小心。燒烤場旁邊為樹木研習徑，沿途設有樹木介紹牌，步行10分鐘左右便行完，食到飽飽哋散步，既可幫助消化，亦富教育意義；此外，亦可到觀星台走走，居高臨下欣賞風景更寫意。
