公仔箱論壇 - Powered by Discuz! Board

標題: 又要做騷又怕死　愈係補鑊愈出醜 [打印本頁]

作者: tyktyk22000 時間: 2011-12-3 09:45 AM 標題: 又要做騷又怕死　愈係補鑊愈出醜

又要做騷又怕死　愈係補鑊愈出醜又要做騷又怕死，又要攞威又要戴頭盔，一向係港府高官特色，呢，又有真人版示範喇！

邊位高官咁有雅興呢？咪就係外號「林公公」嘅政務司司長林瑞麟，同埋人稱「周一鑊」嘅食衞局局長周一嶽咯。件事係咁嘅，花園街發生奪命大火慘劇後，咪睇呢兩位官場孖寶卸責神速，但做騷效率就一流，慘劇發生第二日，兩人就大鑼大鼓巡視災場。/ u% Z4 J! h) \1 }
本來呢，高官做大龍鳳，擾民都算嘞，點知林公公同周一鑊不愧係特衰官僚，連做騷都惹火過人，居然誇張到要戴消防頭盔，仲一身消防指揮官裝束，幾咁英明神武呀，爭在冇戴埋口罩咋，如果唔係，大家仲以為沙士重臨，董太又以「幪面超人裝」出嚟打救港人！
花園街排檔嘅計時炸彈存在已久，咁耐以嚟冇官員入嚟望過一眼，依家火災慘劇奪去九條人命，林公公同周一鑊先至嚟做騷，有咩用呢？政治騷唔係神功戲，死者唔會欣賞㗎！
正如有人話齋，林公公同周一鑊全副武裝巡花園街，同董太當年全副防生化裝備探訪牛頭角下邨一樣，只會向受害者傷口撒鹽，向沸騰民怨火上澆油。不過，計功夫茶話齋，兩件事有一個不同地方，就係董太嘅防生化裝備的確可以防病毒，但林公公同周一鑊嘅消防裝束，除咗做騷，仲有乜用途呢？大火已經燒完，一切無可挽回，戴頭盔唔通係驚被災民掟蕉？
嗱，港府無樣叻，最叻做騷整色整水，餐餐天災人禍過後，先至急急補鑊虛應民意，識得七情上面做大龍鳳嘅官場老戲骨，絕對唔止林公公同周一鑊。食環署話喎，已經加強巡查全港排檔，共發現逾千個違規事項，涉及六百幾個排檔，淨係尋日就提出四百四十宗違規檢控。唉，賊過興兵，次次搞出人命先至做嘢，唔怪得死得人多啦！
事實證明，排檔危機長期存在，只係港府一直闊佬懶理，關人個關。其實，《東方日報》同《太陽報》早就踢爆花園街排檔問題危機四伏，仲以專題報道詳盡揭露，如果港府重視市民安全，及時採取防範措施，今次慘劇完全可以避免。「我不殺伯仁，伯仁因我而死」，話港府草菅人命，絕對冇講錯。
不可一，不可再，血的教訓一次也嫌多。港府高官唔好又諗住做完騷就過骨吖！有問題嘅排檔唔止花園街，港九新界各區遍布計時炸彈，如果繼續吊吊揈，萬一再出事嘅話，你哋就算着消防衣，戴頭盔都保唔住！

作者: aa00 時間: 2011-12-3 10:28 AM

市集大火
$ P+ F% n0 m Q) E+ } N* S
一場市集大火，死傷纍纍。一條擺滿小販攤檔的橫街，貨物充塞通道，經常行人如鯽，舉步維艱。大火在凌晨發生，大部分居民雖然狼狽，仍可勉強逃生；假如是繁忙時間，後果將更不堪設想。
" }/ p5 U1 L" ^
這樣的安全陷阱港九到處都有，有些提供廉價日常衣食必需品，有些成為旅遊景點，對民生、經濟俱有貢獻，不過，要對小販加強管理，是一件極其艱巨的工作，以前是一個民生和就業問題，政府一般加以容忍；如今問題因政治化而變得十分複雜，其間牽涉層面極廣，弱勢政府和頑強民粹，執法部門和區議會的角力，政黨跟選民的關係，黑白幫派之間的利益爭鬥，小販區往往成為不同利益集團的戰場，食環署只是其中一個環節，根本無法獨力全面整頓。

公仔箱論壇% p3 O0 ]* L4 k8 [4 z+ w
如今鬧出嚴重人命傷亡，政府難再坐視，決定由CS（政務司司長）統籌跨部門工作小組處理，是唯一可行方法。

花園街只是一條導火線，善後工作必須妥善處理，但不是唯一關注點。工作小組必須把全港高危小販集中黑點區羅列出來，重新釐定小販政策，決定小販究竟是就業、福利還是商業問題。在有限的道路面積容納小販聚集而要保持一定的安全標準，小販數字必須銳減，撇開失業問題不說，減少小販牌照肯定引致需求增加，非法轉讓、黑幫操縱、成本上升，一連串的問題也馬上出現。社會是否支持政府部門全面管控，嚴厲執法，也是難以預料。現在大家是「不見棺材，不流眼淚」，事過境遷，政客們又會擺出另外一副面孔，阻止政府改革小販政策的行動。

君子不立危牆之下，在政府未能解決安全問題之前，我們最好不要無故走進小販區；附近樓宇的居民必須逼迫當局正視問題，莫再草菅人命。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。! R2 T# _$ [- W' ^* U
1 z% v9 O( h. }) p. `

前政務官譚榮邦

9 y+ F6 a' E/ n7 `3 S- g
8 M+ z; g% c6 R( D# z* b0 g" q4 Y7 q
公仔箱論壇6 D2 h Q8 h9 M" E5 E; e; J7 T: S* U3 i* x
來源 / 版權所有：以上所述媒体 / 作者公仔箱論壇3 ]9 F' u; z( U% a$ ]( ?
(以上内容摘自或摘译自其它媒体 / 作者，不代表發帖者观点)

歡迎光臨公仔箱論壇 (http://os.tvboxnow.com/)