公仔箱論壇 - Powered by Discuz! Board

標題: [食肆地點] Gourmet Shop開餐即買即食厚切宮崎豬 [打印本頁]

作者: nt1972 時間: 2011-11-11 07:46 AM 標題: Gourmet Shop開餐即買即食厚切宮崎豬

平日去餐廳食飯，睇餐牌未必知道食材「真身」，亂點分分鐘唔啱心水。但九龍城新開的高級食材店Rossa Gourmet就不同，店子既是一家高級雜貨店，也是間餐廳，客人可以買走食材DIY，亦可當凍櫃貨架如3D餐牌，西班牙火腿芝士海鮮靚牛扒豬扒，邊樣靚揀邊樣，揀好交由大廚即席烹調，輕輕鬆鬆，一邊逛一邊等住食！件件都是精品九龍城區好有趣，既有屹立多年的老店，亦有生力軍不斷加入，區內早已有將食材店與餐廳合二為一的店；開了個多月的Rossa Gourmet雖然並非第一間，勝在有自家特色，一樣可在區內打響名堂。白框玻璃門、磚地板、木櫃，像家歐洲小店。店子一旁的凍櫃，放滿凍肉、芝士、水果、鵝肝等矜貴外國食材，Comt、Roquefort、Saint Philippe、President Camembert等手造芝士，出自法國著名芝士熟成大師Philippe Olivier之手，可以即場柯打一個芝士拼盤，配杯紅酒邊飲邊食；還有法國Bordier木桶手打牛油和純蔗糖、意國鮮製意粉、美國黑岩鹽，就連法國哈密瓜、提子都有，採訪當日還遇到剛抵埗的土耳其無花果，軟綿甜香；件件都是揀手貨。

過千米海拔風乾火腿店的另一旁則有列酒櫃，放滿了法國、意大利、阿根廷、西班牙、澳洲及德國等80多款佳釀，有不少坊間少見的品牌，還不乏西班牙金箔紅酒等特別貨色。不過，鎮店之寶在於店中百多平方呎的玻璃凍房內！就是由老闆Henry親自飛到西班牙嚴選的黑毛豬火腿！火腿來自西部城市Salamanca的Guijuelo村莊，全部在高達海拔1,500米的天然山洞風乾，質感乾爽，鹹香味濃，分成風乾36個月及48個月貨色，味道拍得住名牌5J和Joselito。

選好食材即煮面對眾多美食，看得肚餓了吧？來凍櫃點選一下，交畀大廚即刻有得食！凍肉海鮮選擇豐富，像來自西班牙、宮崎、沖繩等地的豬扒，牛扒則有美國Prime Grade和荷蘭的牛仔扒，蟹腳魚柳海蝦都算優質。請廚師代勞，扒類及海鮮每件約收$50加工費，廚師只簡單烹調，加點海鹽調味，以突出食材本身味道。必食宮崎豬扒，豬味濃郁，廚師將之煎至7、8成熟，入口細嫩不–，肉味香濃卻不臊，坊間好少有；意粉每碟大約$100，用的是意大利鮮製意粉，蛋味特別濃。點好菜，既可周圍逛逛，又可走到Dining Area等開餐；紅磚牆、皮梳化，還有木屋頂，歐陸味道滿瀉，氣氛很Warm很愜意，用餐體驗與一般餐廳確不同。老闆說這裏可容納約10至15人；食得開心，下次可選擇包場，4小時約$6,000，據知反應好熱烈，想在這裏開Party就要快快訂位！

歡迎光臨公仔箱論壇 (http://os.tvboxnow.com/)