公仔箱論壇 - Powered by Discuz! Board

標題: [食肆地點] 大澳瀨尿蝦筷子咁長 [打印本頁]

作者: nt1972 時間: 2011-8-11 06:16 AM 標題: 大澳瀨尿蝦筷子咁長

大澳水鄉地方小小，碰口碰面都係熟人，難怪街坊街里彼此咁熟絡，巧遇八十七歲原居民壽伯，健步如飛充當嚮導帶我哋四圍去， Chok飽樣影相，望住水上屋喫筷子咁長嘅大澳特產瀨尿蝦，食到嘅，除咗係海鮮鮮味，仲有人情味。
* O" v- V; v; N& A
晨早踩入大澳食玩遊， Cassie一心買鹹魚做手信，研究好耐都唔知幫襯邊檔好，突然背後有把聲話：「唔好揀開肚鹹魚，魚肚半實半腍先係真正大澳出品。」一望，係位白髮蒼蒼嘅阿伯，旁邊街坊搭訕：「入大澳有乜唔識，搵壽伯啦。」壽伯八十七歲高齡，非常熱情話：「等我帶你哋周圍去。」先行吉慶街，沿途見唔少特色塗鴉，伸延兩岸嘅水上屋靚到飛起。行行吓，有間村屋佈置到成個公園仔咁款，不但種晒盆栽，仲有大樹好遮蔭，樹下有長椅，正猶豫可唔可以坐低影番張靚相，點知壽伯一句唔該都無就坐低，兼指指椅背上面兩個字：「請坐」。大澳居民真大方，換轉係市區，唔加句「內有惡犬」已經偷笑，最後，壽伯仲主動要求 Cassie齊齊 V手 Chok樣留影，真搞鬼。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。9 ^: b$ j" [1 Y5 T. i$ O

過取代昔日橫水渡嘅藍色吊橋，踩入大澳街市街，即見超過廿年歷史嘅「大澳老友記海產貿易公司」，天花板居然吊住一條條人頭咁大嘅雞泡魚乾，條條乾屍皆有朵，左一條「細眼明」右一條「大眼仔」，魚材全部來自大澳漁民。老闆黃先生：「我本身都係漁民，呢啲雞泡魚乾係我自己整嘅，不過家無啦，水質無以前咁好，搵唔番咁大條雞泡魚咯。」左揀右揀， Cassie買咗馬友鹹魚醬同銀蝦 XO醬返屋企，手信總算有着落。

炭燒燒鵝皮脆肉嫩午飯時間到，入「橫水渡小廚」開飯，貪有水上屋靚景送飯。先來活素魚拼蝦刺身，活者，即時令石蚌，肉質結實，切片上碟
仲識口擘擘，好新鮮；素者，即素三文魚，清淡味道同真三文魚有八成似；蝦爽口鮮甜，點酸甜醬有助提鮮， Cassie食到直豎拇指。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。 f) `7 c8 o" S8 a' L, ~0 G) y
, x$ H* V3 R* H) L6 w
老闆推介椒鹽瀨尿蝦：「瀨尿蝦係大澳特產，大嶼山海面一年四季都有出產，家最時令嗰種瀨尿蝦叫青蝦，大隻多肉有筷子咁長。」千祈唔好嫌剝殼麻煩，蝦殼炒到脆一脆唔油膩，椒鹽鹹香味濃得化不開，啖啖都咁鮮，抵畀一百分。數最能夠代表大澳嘅菜式，非鹹鮮乾荷葉籠仔飯莫屬，有蝦乾、吊桶乾、白飯魚乾、鹹鮮魚同豬頸肉，差唔多所有食材都來自大澳，漁民親自生曬，配「張財記」淡口蝦醬一蒸，每啖飯都咁香口，淡淡荷葉香繚繞不散。香煎墨魚餅亦唔係普通貨色，越南墨魚膠質重，人手打足四十五分鐘，唔會食到成口粉。
/ t0 l0 l6 |7 a! U* e6 D% {
食完海鮮食肉，金牌炭燒燒鵝即叫即燒，皮脆肉嫩，一斬鵝身熱氣騰騰，新鮮滾熱辣唔該趁熱食，清淡啲，可以點酸梅醬；想濃味啲，可以點喺鵝肚流番出嚟嘅燒鵝汁，香到痹。飽？清清哋喫埋個椒鹽豆腐先好閃，唔好唓我住，呢個都係大澳特色菜，豆腐超滑溜，粉漿夠薄外脆內軟，超正。

食完午飯，係時候親親大自然，去大澳另一頭嘅鹽田，叫鹽田，係因為以前真係有原居民喺對開海面採鹽，家當然荒廢咗。鹽田附近有條長橋，景觀靚絕，望出海面波平如鏡，青青小草點綴其中，偶有小鳥飛過，吹吹海風好 Relax，影 Chok相熱點之一是也，夠你 Hea一個下晝。tvb now,tvbnow,bttvb- |, T$ o( @; s! R

Hea到入黑，去鹽田附近嘅「海韻素食菜館」醫肚，睇睇餐牌，點解有生炒排骨？玩嘢呀？又話素菜？負責人陳小姐：「好多人都誤會，素食同小菜我哋都會做，所以叫『素食菜館』，而唔係『素菜館』，我哋家庭式經營，已經有廿幾年歷史。」老實，無甚麼古靈精怪菜式，優點係唔用現成貨，「連豆腐都係自己做，豆量多一倍，所以好香滑，唔似出面一般食肆用豆渣溝水算數。」講多無謂，即試酥甫雙拼，即荔茸酥卷拼酥甫，前者棄春卷皮改用腐皮包泰國芋茸，芋香超濃腐皮勁脆；後者用腐皮包住翠玉瓜、紅蘿蔔同冬菇等素菜，再落脆漿炸，餡料份量十足。紅燒大素翅，一樣俾我哋食到一乾二淨，日本素翅加自製素雞、木耳同冬菇絲，足料味夠濃。生炒排骨都係誠意之作，即叫即炸勁香脆，入口唔會太酸。 Cassie至愛香煎腐皮卷，鮮腐皮包西芹絲、木耳絲、素肉絲同金菇絲，煎到金黃色，無話煎到碟底成灘油。

餘興節目，舖頭小妹妹逗攝影哥哥玩骰盅，人仔細細賭聖上身，只見攝影師係咁輸，問佢發生乜事，攝影師：「佢一開盅就話自己贏，見我輸得多，又俾我贏番鋪咁囉。」真可愛！公仔箱論壇: D+ Z- X5 a; ], b& U

a.大澳老友記海產貿易公司
大澳街市街
5 H& I& i+ W- P6 C8 O
b.橫水渡小廚 [ }: N' j# T6 c: l1 l
大澳吉慶前街 8 c8 g8 J- ?, X2 ?7 T

c.海韻素食菜館
大澳南涌村

歡迎光臨公仔箱論壇 (http://os.tvboxnow.com/)