公仔箱論壇 - Powered by Discuz! Board

標題: [新聞] 杜帥有信心紅軍反彈 [打印本頁]

作者: lewistai 時間: 2011-7-13 12:14 PM 標題: 杜帥有信心紅軍反彈

首次到訪中國的英超勁旅利物浦，今晚 8時在廣州天河體育場與中甲球會廣州日之泉進行今季首場熱身賽，備戰新球季；領隊杜格利殊昨午出席贊助商活動時表示，球隊今季重整軍容後，有條件在即將展開的英超成功反彈。
紅軍昨日在廣州的第 2日行程依然緊湊，部份球員下午兵分兩路在廣州及番禺出席活動，晚上 6時假天河體育場閉門訓練；雖然主力如謝拉特及門將連拿因傷未有隨隊，但門票銷情不俗，至昨日已售出近 7成門票。另外，專程從香港到廣州觀戰的數百名香港利物浦球迷會球迷捧場，估計今日會有逾 30,000名球迷觀戰。

以老帶新鬥日之泉杜帥表示，這是球隊季內首場賽事，將先派狀態較佳的球員擔正，以達到提升球員狀態迎接新球季的目標：「我們今次亞洲之旅不是進行表演，而是為新球季作準備，所有球員也有機會上陣。」據悉，紅軍首戰將以老帶新鬥主隊，加歷查、祖高爾及麥斯洛迪古斯將正選領軍，其餘人選會以年輕球員為主，而安祖卡路爾、查理阿當及丹尼爾艾格等將不會「首發」。另外，因足踝受傷，前日缺練的魯爾梅利斯昨晚復操，相信今日不會冒險落場；同時，他還透露新球季希望能繼續留效利物浦。
利物浦在上季英超只取得第 6名，還失歐洲賽席位，而杜格利殊認為缺席歐洲賽雖然可惜，但球隊可更集中爭取佳績：「我們有好球員，這樣人腳組合，有條件及信心挑戰任何一支強隊。」中鋒安祖卡路爾透露，今季最希望是避免受傷，至於入球當然是越多越好。
古積特揸筷子耍家
紅軍昨日兵分兩路，部份由「三間」贊助嘅球員，坐車去番禺同球迷玩遊戲，古積特揸筷子夾乒乓波不知幾熟練，相信同佢開咗間中國餐館有關。另外，加盟利物浦已經季幾嘅阿根廷前國腳麥斯洛迪古斯，原來英文仲係麻麻，噚日出席活動時雞同鴨講，但佢聽到傳媒問阿根廷喺美洲盃開齋出線，佢搶住答：「 Yes」。

查理阿當多人服侍
新加盟紅軍嘅查理阿當成為焦點，噚日被問到效力黑池期間，係咪要自己洗衫同整理私人物件時，佢冇正面回答，只係話加盟利物浦後有好多人照顧，令佢可以更專心操練同比賽。由於查理新加盟，之前影全家福冇佢份，喺記招接待桌見到張利記海報，佢望咗好耐，仲指住傳聞話可能會走嘅基傑亞高斯，唔通有料爆？

fans追星逼爆商場
利記首次到訪中國，球隊主要贊助商渣打銀行亦把握機會喺廣州宣傳，噚日先安排大使魯殊亮相，跟住到領隊杜帥、安祖卡路爾、史比寧同丹尼爾艾格，去某大商場見球迷。難得有機會近距離接觸球星，仲有禮物收，紅軍躉不知幾興奮，不斷大叫；只係個別唔顧後果追星嘅球迷，同公安發生衝突，好在最後都和氣收場。

歡迎光臨公仔箱論壇 (http://os.tvboxnow.com/)