公仔箱論壇 - Powered by Discuz! Board

標題: 鬍鬚曾個人騷勁嘥公帑 [打印本頁]

作者: aa00 時間: 2011-3-31 01:23 PM 標題: 鬍鬚曾個人騷勁嘥公帑

財政司司長曾俊華上月發表嘅財政預算案，罕有地令泛民同建制派聯手反枱，最後更不敵民意，急急腳「跪低」向港人派錢補鑊，以息民憤。不過，原來鬍鬚曾搬呢份「傑作」上枱前，竟然大拿拿使咗納稅人逾八十五萬公帑搞諮詢，係近三年之冠，當中近半更係用咗嚟畀佢做主角拍宣傳短片同聲帶。斥資咁多錢卻又交出一份同民意有咁大落差嘅預算案出嚟，難怪有議員譏諷鬍鬚曾假以諮詢為名，濫用公帑為自己搞個人宣傳騷！

港府近年成日強調自己用心聽民意，但無論喺去年嘅政改、施政報告，抑或今年嘅財政預算案，公布嘅結果都明顯同主流民意大相逕庭。自由黨議員方剛為踢爆港府真面目，日前就提出質詢，要求港府公開交代佢哋喺財政預算案總共用咗幾多公帑搞所謂嘅諮詢，仲問佢哋下年會否考慮乾脆唔搞諮詢，以免勞民傷財。
唔問尤自可，一問把幾火。原來港府今年總共用咗逾八十五萬元為預算案做諮詢，比上兩年用嘅八十萬為多。雖然用多咗錢，但市民明顯唔受落，事關今年佢哋只收到二千四百幾份意見書，比上年收到嘅六千七百幾份少咗一半有多。莫非市民都睇穿港府假諮詢嘅真面目，拒絕落疊？tvb now,tvbnow,bttvb. P$ c- P/ I7 s \
印漫畫拍短片錄聲帶上年鬍鬚曾為搞新意思，推出財政預算案諮詢漫畫，被外界怒轟橋段無聊兼幼稚。點知今年佢哋卻懶理惡評繼續Encore，再下一城豪花三十九萬印發三萬本漫畫「續集」。港府聲稱已將所有漫畫全數派發，唔知當中有幾多本已被掉落廢紙回收箱？
鬍鬚曾今年亦一如往年，繼續「粉墨登場」親自上陣拍攝電視宣傳短片同錄製電台宣傳聲帶，提醒市民「就預算案發表意見唔需要留鬚」。原來呢兩條日播夜播嘅宣傳短片同聲帶，好輕易咁又用咗納稅人四十萬公帑。
鬍鬚曾用成八十五萬去「聽意見」，但卻交出如斯令人失望嘅貨色，最後仲差啲觸發憲制危機，實在係「能人所不能」。白鴿黨主席何俊仁尋日就爆料話，近期有不少來自中央嘅「中間人」向泛民收風，好想知點解鬍鬚曾喺港府坐擁巨額盈餘、兼一次過派咁多錢下，都可以搞到如斯落魄嘅境地。不過問到有冇中間人要求鬍鬚曾下台時，鐵頭仁就話唔係咁方便透露喎。# S9 E3 B( n& |! Y

TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。7 p( o* E- J& i2 U% H" s

來源：東方日報

作者: aa00 時間: 2011-3-31 01:30 PM

扮聽民意勞民傷財

職工盟李卓人狠斥曾俊華令諮詢制度「破產」，又說：「我好肯定唔會有人提議你注資六千蚊入強積金！你使咗八十幾萬搞咁多場諮詢會，都唔知你聽到啲乜！」他指假諮詢「花一蚊都嫌多」，「慳番啲錢做其他嘢好過」。

民主黨張文光亦批評，政府近年為各項諮詢大灑金錢攝製的電視宣傳片，往往淪為司局長的個人宣傳騷，失去諮詢原意。tvb now,tvbnow,bttvb) U7 `, l" t  q
公仔箱論壇, L) o: W1 M6 Z- P  L0 f
民主黨涂謹申昨日提出質詢，指政府對可長遠協助基層市民、只涉及數十億元的新交通津貼計劃寸步不讓，誓要增設資產及入息審查，對涉及三百七十億元的派錢方案卻極其寬鬆，理念前後矛盾。人民力量黃毓民指注資強積金措施在○九年已劣評如潮，不明白政府為何一錯再錯。os.tvboxnow.com! [' O) Z% h% N" r  O8 n$ T
7 O8 \2 f1 W. O
陳家強一方面指不同政策措施有不同背景和原因，不能互相比較，又辯稱注資強積金和派錢都是想藏富於民，理念一脈相承。
公仔箱論壇& g+ b+ X9 a1 m9 m! l" P
社民連梁國雄譏諷注資與派錢都是「一脈相承地顛覆黑白」。. H& j5 M9 f/ M
$ b3 |$ f2 p5 E7 u9 F& J  C( P& [3 Y
來源：《太陽報》

歡迎光臨公仔箱論壇 (http://os.tvboxnow.com/)