公仔箱論壇 - Powered by Discuz! Board

標題: 官地謀利零監管　地政總署發雞盲 [打印本頁]

作者: aa00 時間: 2011-3-14 01:01 PM 標題: 官地謀利零監管　地政總署發雞盲

志願機構最應該做善事，如果你家陣正準備向日本地震災民伸出援手，功夫茶豎起兩隻拇指畀你十個讚！
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。. y& k- B( }5 q% O. @8 F; i4 p- V
之不過咁，香港有一個志願機構做咗一件唔應該做嘅事，竟然利用政府免費批出嘅官地「無本生利」。話說歷史悠久嘅救世軍位於灣仔活道以及大坑東龍珠街嘅會址，都係由地政總署按照非牟利福利性質以免地價批出使用嘅，理論上當然係畀你做善事啦，最好莫過於真真正正拯救世界。問題係救世軍被揭發以「有地方多出」同埋「方便附近學校及機構」為由，將部分空地劃做車位，每個車位以每月二千元租出，長達五至六年之久，估計救世軍有超過二百萬元收入。tvb now,tvbnow,bttvb, B- y: x1 s' t9 U4 X! J: T
係咪於理不合先？政府免費供應土地畀你用，你一個屈尾十走去經營車位出租，即係濫用公家資源啫，變相搵納稅人笨，點講都講唔通啦。當然，救世軍可能會話車位出租嘅收入全部撥入慈善用途。之但係咁喎，即使你真係做善事，咁嘅做法都唔啱規矩啦，正所謂，瓜田不納履，李下不整冠，冇必要搞到自己備受嫌疑啫。, W. U1 q) b3 c# N; X. w6 }
救世軍嘅做法固然有問題，不過更加荒謬嘅係地政總署，多年來不聞不問已經係失職啦，你估署方蠢成點呢？本報記者今年一月已經向地政總署反映過，官老爺跟手派人去實地視察，得出嘅結論居然係，救世軍冇出租車位嘅證據！
呢嗱嗱嗱，功夫茶忍唔住要贈你三個字：發雞盲。喂，救世軍已經親口向本報證實，的而且確出租車位五至六年，地政總署咁都話搵唔到證據，所謂視察到底係點視點察㗎？你唔好話去錯地址問錯人呀，地球人冇一個會信㗎！
好明顯，地政總署由頭到尾都係草率兒戲，先係懵然不知，然後視而不見，對於志願機構利用免費官地無本生利闊佬懶理。既然官地謀利居然係零監管，功夫茶有少少衝動成立一間志願機構，要求撥出免費官地之後再興建超級豪宅，到時咯喎，出租又得，自住又得，得咗！
話時話，政府監管慈善團體真係好草率兒戲㗎咋，任何社團只要符合稅務局規定就可以註冊成為慈善機構或者信託團體，得享免稅待遇，手續易過借火。更加匪夷所思嘅係，政府原來冇法例同部門規管慈善團體所得捐款嘅用途，錢來錢往毋須交代，連協助對象係邊個都唔使透露。8 d) n0 V" N7 ~" u n+ E9 r
政府疏於監管好大鑊㗎，萬一冇人相信慈善團體，唔肯捐錢救苦救難，呢個世界將會變得面目可憎！os.tvboxnow.com8 a- [3 D: g: ?# |+ @

歡迎光臨公仔箱論壇 (http://os.tvboxnow.com/)