標題:
收數狼過大耳窿 破管署名譽破產
[打印本頁]
作者:
aa00
時間:
2011-1-7 12:57 PM
標題:
收數狼過大耳窿 破管署名譽破產
大耳窿有幾可怕係人都知，借錢九出十三歸不特止，遲少少還錢啫，一係去你屋企門口練書法寫上雞乸咁大隻字「欠債還錢」，一係礙於收數佬盲字唔識幾個改而淋油或者潑糞。最毒嗰招好似叫做「放屎蜢」，具體嘅製作方法唔講嘞，費事教壞細路，總之目的就係大量全身沾滿穢物嘅草蜢跳來跳去。
: d+ ?6 [8 b( P% f) f3 z
3 f: O' @& ]# W* w0 ]8 ^
大耳窿如果唔係文盲，識得認字睇報紙，應該會對於呢一單新聞情有獨鍾，話唔定會向新聞主角致以崇高敬意。新聞標題係咁嘅：破管署狼過大耳窿。
5 R1 K* o) e! g
嘩嘩嘩！功夫茶自出娘胎從來冇諗過一個政府部門居然可以同大耳窿相提並論，而且吸血程度係更加兇狠。話說有一位身家豐厚嘅七十五歲伯伯，只不過拖欠舖位所在大廈嘅業主立案法團八萬銀之嘛，無辜辜慘遭頒令破產之餘，竟然被飛擒大咬嘅破產管理署徵收二百三十幾萬管理費。
1 I$ v* G. B" J) H7 ZTVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。
請恕功夫茶數口不精，欠八萬要還二百三十幾萬到底係乜嘢息口？真係唔識計囉，淨係知道一定高過九出十三歸。
& B0 T& o) q% O' p6 L' E3 uTVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。
好彩，伯伯唔肯繳付呢一筆毫不合理嘅管理費，打官司打到上訴庭，法官直斥破管署行為可恥兼無法無天，下令將收費勁減至七萬元。
" l7 d) i( X L! a! ]公仔箱論壇
計功夫茶話齋，破管署署長區敬樂雖然輸咗今次官司，不過以佢咁狼胎嘅收費模式，將來退休之後大可投身貴利集團，咁咪可以下半世無憂囉。大家可能會問，怕唔怕重蹈梁展文覆轍呀？呢個問題根本唔係問題，事關放貴利係犯法㗎，區敬樂成為從業員又點會光明正大向政府申報呢？鬼鬼祟祟乜都唔申報又何來重蹈梁展文覆轍呀，老友！
0 b ] ]; c+ [) R E' [/ g, S
講番呢一單離奇官司吖，事件揭發原來破管署一直奉行嘅政策係「能者多付」，事關絕大部分破產個案都收唔到錢，所以就向資產豐厚嘅破產者開刀，用以補貼其他個案未能收回嘅費用。至於破管署援引作為收費標準嘅《破產（費用及百分率）令》附表，亦有值得商榷之處，表中列出三十二個收費項目，大多屬於定額收費，或者以破產者資產按比例收費，而唔係以署方實際工作量計算。
! k+ h( h$ P7 v0 O0 s" q* t& p" ~TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。
如果功夫茶有資格戴假髮做法官，肯定唔會批評兩句可恥就算數。喂，人哋資產豐厚啫，關你乜事呢？點解要按比例同你分身家先？你估香港奉行共產主義咩！
' g6 A+ A" [9 VTVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。
再講吖，所謂「能者多付」簡直係荒天下之大謬，你收唔到數你嘅事，因乜事幹要一個有能力嘅人孭晒成筆爛帳？打個譬喻，假設香港有百分之九十九嘅人逃稅，稅局係咪可以向剩低落嚟冇着草嘅乖乖仔追收全港所有稅款？咪玩啦，希特拉翻生睇怕都要寫個服字！
tvb now,tvbnow,bttvb3 o3 a* G' S6 _8 g
上訴庭法官仲透露喎，十年前法庭處理過類似個案，已經批評法例有不足之處，但十年來毫無下文，全無改善，令人遺憾。
`+ Q& @" |5 ~6 w0 q8 i: wtvb now,tvbnow,bttvb
唉，真係唔知好嬲定好笑，剃人頭者人亦剃其頭，破人產者人亦破其產，今次破產管理署一夜之間名譽破產，唔知幾時先至可以重振雄風。
: D$ _% ~/ v; p
都好嘅，破產者管理破產者，同病相憐咯喎，以後咪或者唔會咁狼胎囉！
歡迎光臨 公仔箱論壇 (http://os.tvboxnow.com/)
Powered by Discuz! 7.0.0
