公仔箱論壇 - Powered by Discuz! Board

標題: 身先士卒歎世界　高官節日樂逍遙 [打印本頁]

作者: aa00 時間: 2010-12-26 09:37 AM 標題: 身先士卒歎世界　高官節日樂逍遙

本帖最後由 aa00 於 2010-12-26 09:38 AM 編輯
$ x+ N: ]! v6 `' A& f: M4 d
聖誕新年，普天同慶。不過，最高興嘅相信都係一眾高官嘞，佢哋已經紛紛化身「度假天使」，逍遙快樂去矣！
5 V4 W, C5 u% R( y( `
每逢聖誕節，下亞厘畢道例牌出現高官遊埠症候群高峰期，今年亦唔例外。三司十二局共有五個局長由尋日起輪流放假，連曾蔭權都唔執輸，一於身先士卒放假歎世界。計起嚟，成個特區政府有三分之一真空，都咪話唔誇張。
除咗煲呔曾，食物及衞生局局長周一嶽、政制及內地事務局局長林瑞麟、商務及經濟發展局局長劉吳惠蘭、教育局局長孫明揚、環境局局長邱騰華，爭相放假，你幾日，我幾日，皆大歡喜。
局長優哉游哉放大假，副局長惟有捱義氣頂硬上，戴上「署理」烏紗帽看門口。雖然唔多夠班，總好過唱空城計，萬一有起事上嚟，都有人孭鑊吖嘛。話時話，如果用聖誕樹比喻港府，呢五位署理局長都算得上係全香港最貴嘅聖誕飾物咯。正所謂，養兵千日，用在一時，港府每年使幾千萬公帑請呢班政治新貴，既唔打得亦唔睇得，原來佢哋嘅主要職責就係看守門口，果然「物有所值」。
高官放假充電唔係問題，最緊要先做好自己份工，如果一味掛住遊埠歎世界，咁又點對得住納稅人噃。近年每逢節假日，一眾高官例牌紛紛出動，唔係與民同樂，而係各自各精彩，就算有突發事件，甚少見佢哋取消行程或縮短假期返港處理，多數繼續遊山玩水，實行盡興而歸。總之放假大過天，話之你七國咁亂。
冇錯，放假大過天已經成為港府高官嘅共識。呢，每逢香港爆大鑊，煲呔曾經常咁啱得咁蹺放假或者離港公幹，因此博得一個「離岸特首」嘅美譽。上有好者，下必甚焉，上司識得逍遙快樂，下屬自然唔會執輸。; n9 [7 V% E; V+ w+ u+ U% x/ k7 R
好似人稱「每周一鑊」嘅周一嶽咁，上次菲律賓發生人質慘劇，危急關頭，港難當前，特區政府緊急動員，幾乎所有高官都取消休假同外訪，留港處理事件，唯獨佢老哥按照原定計劃放假，關人個關。公仔箱論壇, Z9 ` ] Y$ I x s; f8 _0 Y+ r
仲有吖，今年中的士頻頻死火引發嘅風波一發不可收拾，機電署被指監管失職成為眾矢之的，署長陳鴻祥一於少理，有假照放，你死你事，留低個副署長做出氣袋畀人鬧，自己事發多日後至施施然蒲頭。os.tvboxnow.com0 w( o" B2 S; Z
唉，無計啦，家陣港府成個跛腳鴨咁款，剩低一年幾任期，連煲呔曾都話日日諗緊退休之後點樣歎世界，班高官更係處於半退休狀態，日日望住個鐘等收工，邊度有心機做嘢吖。tvb now,tvbnow,bttvb, e7 J2 Y. v' p& l0 W% I' G
講開又講，北大人最近又對港府提出三點訓示，其中一點係抓緊謀劃未來發展，為香港長期繁榮穩定打下基礎。可惜吖，港府高官個個等退休，叫佢哋為香港謀劃未來發展，豈不是對牛彈琴？嘥氣喇！

歡迎光臨公仔箱論壇 (http://os.tvboxnow.com/)