返回列表 回復 發帖

Spyker C8 Spyder SWB 拆 翼 天 使

香 港 有 錢 人 車 庫 , 點 都 擺 番 架 林 寶 拉 利 看 門 口 , 但 論 罕 有 珍 貴 點 及 全 Handmade Spyker 。 荷 蘭 生 產 商 將 以 前 造 飛 機 技 術 擺 落 架 C8 Spyder SWB 度 , 400 匹 馬 力 、 極 速 300km/h , 根 本 就 係 一 架 拆 飛 機 街 度 行 !


約 $350 萬

■ 車 側 睇 扁 扁 平 平 , 大 路 開 篷 車 格 局 , 最 煞 食 係 一 對 鷗 翼 車 門 。


戰 味 霸 氣 大 提 升
呢 個 周 末 最 多 車 迷 講 , 肯 定 係 Top Gear 首 次 香 港 搞 Live Show , 好 多 車 行 、 改 裝 公 司 傾 盡 全 力 , Show 晒 頂 級 好 ; Car Pro 就 率 先 引 入 市 價 約 350 萬 開 篷 版 Spyker C8 , 繼 早 排 黑 色 左 版 , 另 一 架 右 版 亦 已 到 港 , 白 透 銀 閃 閃 令 , 就 如 天 使 化 身 高 速 公 路 度 飛 舞 , 單 睇 賣 相 , 車 首 鬼 面 罩 頗 具 Auston Martin 味 道 , 但 全 身 大 量 透氣 鰓 位 , 令 戰 味 同 霸 氣 大 幅 提 升 , 最 特 別 係 唔 似 歐 系 其 他 超 跑 咁 , 因 負 磅 太 重 而 減低 馬 力 , C8 Spyder 車 重 1,250kg , 只 比 Lotus 重 幾 百 kg , 加 上 採 用 Audi V8 引擎 , 4,200c.c. 推 架 雙 座 位 開 篷 車 , 加 速 力 有 幾 恐 怖 可 想 而 知 。

■ 四 圓 尾 燈 、 雙 出 式 氣 喉 加 散 熱 口 , 車 尾 最 惡 形 惡 相 。


■ 揭 頭 都 有 型 過 人 , 雖 然 引 擎 擺 後 面 , 不 過 都 見 到 F1 用 橫 式 避 震 。


■ 車 尾 擺 完 副 偈 , 居 然 仲 偷 到 位 做 埋 尾 箱 。


■ 用 上 Audi 4.2L V8 引 擎 , 馬 力 輸 出 達 到 400 匹 。


■ 鬼 面 罩 好 有 Auston Martin 影 子 , 但 網 紋 極 為 疏 落 。


■ 尾 6 個 網 狀 氣 位 並 非 得 個 樣 , 主 要 為 引 擎 散 熱 。


■ 裙 腳 入 氣 位 隱 藏 長 長 電 鍍 銀 邊 內 , 又 係 型 到 爆 。


■ 側 鏡 相 較 無 咁 出 位 , 但 原 來 收 埋 個 開 門 掣 鏡 內 , 一   鷗 翼 就 升 起 。


飛 機 工 藝 + F1 技 術
Spyker 車 跟 一 般 Super Car 好 唔 同 , 全 人 手 製 造 , 外 外 都 可 任 意 訂 做 配 襯 , 而 且 Spyker 造 開 飛 機 , 好 多 藝 術 意 念 擺 落 呢 架 C8 Spyder 度 , 你 睇 中 控 台 多 個 圓 形 儀 錶 , 以 及 11 個 上 下 啪 掣 , 好 有 飛 機 Feel , 種 工 藝 品 層 次 珍 貴 過 一 般 Super Car , 而 且 Spyker 又 搞 緊 F1 車 隊 , 好 多 賽 車 技 術 都 會 用 番 , 好 似 橫 式 避 震 咁 , 令 架 車 會 易 Handle , 始 終 Spyker 車 系 玩 傳 統 操 控 樂 趣 , 唔 會 如 日 產 GT-R 咁 , 俾 電 腦 介 入 太 多 , Spyker 就 平 衡 操 控 性 之 外 , 仍 保 留 到 Super Car 樂 趣 , 就 算 尾 轆 車 , 0-100km/h 只 需 4.5 秒 , 論 性 能 已 無 話 可 說 , 硬 要 跟 法 拉 利 比 話 , 可 以 話 C8 Spyder 頭 段 爆 炸 力 會 稍 遜 , 但 去 到 中 尾 段 , 種 快 放 順 暢 真 係 幾 似 飛 機 起 飛 咁 。

■ 黑 色 C8 為 左 版 本 , 感 覺 上 比 銀 白 色 更 有 霸 氣 。


■ 最 少 人 留 意 腳 踏 都 設 計 得 好 有 心 思 , 以 機 械 感 取 代 Racing 味 。


■ 李 英 健 話 最 愛 Spyker 電 腦 介 入 少 , 有 番 傳 統 車 樂 趣 。


■ 大 量 圓 錶 同 啪 掣 , 將 飛 機 藝 術 帶 入 Super Car 。


■ 支 6 速 波 棍 轉 波 時 全 組 結 構 一 齊 郁 , 充 滿 機 械 感 。


■ 不 設 後 排 Dogseat , 兩 個 位 可 盡 情 伸 展 , 闊 落 得 緊 要 。



Spyker C8 Spyder SWB 規 格
引 擎 : 4,172c.c. V8
馬 力 : 400bhp
扭 力 : 480Nm
傳 動 : 6 前 速 手 波 、 中 偈 尾 驅
極 速 : 300km/h
0-100km/h : 4.5 秒
查 詢 : Car Pro ( 2111 1103 )
thanks for sharing
i would rather spend $3.5M on a Ferrari than this ugly shit
返回列表