返回列表 回復 發帖

[新聞] 荃灣寵物用品店變領養所 老闆娘拒賣寵物:做生意要取之有道 !

本帖最後由 manyiu 於 2018-10-19 01:00 PM 編輯

撰文:鄧偉傑
2018-10-14 10:36


香港愛狗愛貓人士可幸隨處可見,但打正旗號宣揚「領養不棄養」訊息的寵物專門店你有聽過?

荃灣一間經營了18年的寵物用品店,店東多年來因見盡無良寵物店的賣寵手法-當隻貓狗是「生仔機器」,又見本港近年流浪貓狗數目激增,因此兩年前開始接收流浪貓狗,為浪浪尋找合適主人,至今經他們店舖領養的流浪貓狗逾55隻。店東接受《香港01》訪問時表示,希望略盡綿力幫助這群無依靠的毛孩。


位於荃灣享和街的「寵物屋專門店Pet & House Pet Shop」於區內經營達18年,店主Ling接受《香港01》訪問時表示店舖近兩年開始接收流浪貓狗,為浪浪尋找「新家」。(鄧偉傑攝)

店主冀宣揚「領養不棄養」意識
位於荃灣享和街的「寵物屋專門店Pet & House Pet Shop」於區內經營達18年,店主Ling接受《香港01》訪問時表示店舖近兩年開始接收流浪貓狗,「宜家一般嘅流浪貓貓狗狗都係義工朋友送嚟,而我哋接收咗佢哋之後會喺網上面出Post,為佢哋搵一個合適嘅主人。」

以「領養不棄養」為宗旨的寵物用品店可說是買少見少,問及Ling為何萌生此念頭,她表示希望為流浪貓狗出一分力,「可能我同先生都好鍾意貓狗嘅關係,好多時候當我哋喺街上面見到無依無靠、無家可歸嘅流浪貓狗,心入面都總會戚戚然,佢哋唔係好似人咁,身受苦況可以一五一十同返人講,所以我哋決定做多少少,幫得幾多得幾多。」



以「領養不棄養」為宗旨的寵物店於香港可說買少見少,問及Ling近年為何萌生此理念,她表示希望為香港流浪貓狗出一分力。(鄧偉傑攝)


(鄧偉傑攝)



上月「山竹」襲港,流浪貓狗生活安危受威脅,這段期間Ling的店舖從不同渠道接收了逾22隻貓狗:「當時打晒風,天氣真係好惡劣,好彩有義工喺打風期間都好關注流浪貓狗嘅問題,將部分送嚟我到,免得佢哋喺風暴入面受傷。」Ling憶述道。

說起接收流浪貓狗,Ling表示如非必要都不想再接收狗狗,「近年經我舖頭出嘅領養貓狗超過55隻,我想講狗真係一種好有靈性嘅動物,相處耐咗佢(狗狗)會同你有感情,佢亦都會知邊個係真心對自己好,每一次當我目送自己嘅仔女(流浪狗)俾善心人領養,我同老公,同埋細Wing(寵物店員工)都會喊到『飛哩啡呢』,無辦法,我就係一個咁重感情嘅人,我真係當佢哋每一個仔女咁錫。」Ling再度感概說道。


寵物店東主阿Ling表示,每一次當有狗狗被領養時都心如刀割,但都希望毛孩可以有一個美好的新生。(鄧偉傑攝)

經營寵物行業18年 見盡行內無良事

經營寵物行業達18年,Ling與丈夫可說是見盡行內黑暗事,亦是其中一個原因自己寵物店是永遠不會售賣貓狗隻,而宣揚「領養不棄養」的宗旨,「我一出身就做呢行(寵物行業),以前仲喺出面做人哋員工嗰時,見盡舖頭為咗賺錢,真係會當隻貓狗乸係『生仔機器』,然後明知個B(初生貓狗)有病有缺憾都要賣畀人,就係因為有呢啲經歷,我哋舖頭先唔會賣貓狗,做生意賺錢無可厚非,但要取之有道。」Ling言之鑿鑿說道。


阿Ling與丈夫於從事寵物行業逾18年,由於見盡行內黑暗事,因此絕不涉觸售貓狗服務。(鄧偉傑攝)


(鄧偉傑攝)





店舖收入比同行低 感恩顧客支持

現時Ling經營的寵物店主要為顧客提供寵物美容服務,她表示店舖收入肯定沒其他有售賣貓狗的寵物店高,但他們並沒有因此放棄,「值得感恩嘅係好多義工都好幫我哋,有個義工係醫護嚟嘅,成日都會幫我哋啲貓狗睇下病,有啲客知道我哋『領養不棄養』嘅宗旨,買嘢明明件貨幾十蚊,賣單就咁擺底500蚊就一支箭走咗去,我哋係感恩有街訪朋友嘅支持。」

Ling希望藉此向《香港01》讀者表示,如果有意領養貓狗,可以隨時聯絡他們的店舖,與一般領養機構無異,Ling會為領養者家訪,了解主人是否適合領養貓狗,給予牠們一個「真正的家」。
良心店舖,俾個 like 你
希望有一日香港所有人都可以做到領養不棄養就好啦
好像每個國家都有這樣棄養寵物的問題啊~
日本街上還出現浣熊啊~
養個大爺,要考慮清楚。
外星貓E生
好像每個國家都有這樣棄養寵物的問題啊~
日本街上還出現浣熊啊~
li60830 發表於 2018-10-20 11:25 AM
浣熊不是宠物....怎麼会有棄養问题? 我屋企附近常常見到他們一家大小行街 ! 有一次佢地係我屋企個籬笆慢慢行, 罷個美麗的 post 給我拍照 !
返回列表