潘頓在這天第九場三班1600米，策騎蘇保羅馬房之「錶之勝」以中段發力戰略得手，6.5倍落飛半冷門勝出，組合獨贏A2派28.5元，連同第六場為呂健威贏「時裝精英」，潘頓成功起孖，仲有機會靠尾場(第十場)羸馬反先雷神做騎師王。
「錶之勝」這天賽前季內已贏三場，今勻重配潘頓負133頂磅，排不利的13檔，跑來卻虎虎有威，早段守五六位，中段率先突圍，成為蘇保羅今季首匹四捷馬。不過「錶之勝」賽績極特別，近八仗表現梅花間竹，一場輸一場贏，今場勝出後，按照攤路下仗應會輸。
今場賽事二至四名競爭激烈，田泰安接手鄭廐新勝馬「好力煌」，此駒閘前着啡燈被押下重注獨贏，末段如飛殺上，可惜俾「錶之勝」走甩咗而功虧一簣，始終連捷唔到只得第二，但「錶之勝」搭「好力煌」的27倍啡燈連贏則順利開出，落飛黨這條Ｑ扣本後，獲利約1,800萬。
第三名係何澤堯座騎「加州再豫」，至於雷神大熱門「小米周」直路曾塞車，拉士望空後追上僅獲殿軍，四重彩派7,191元。 |
發表於 2016-5-29 09:50 PM
| 
