回歸盃摩蔡Ｑ

今日兩項錦標上演，香港回歸盃及粵港盃，顧名思義，回歸盃自 1 9 9 7 香港回歸後一年一度，象徵馬照跑五十年不變。而粵港盃係標誌粵港兩地進一步的合作和交流。

● 回歸盃：過去四屆頭馬「步步快」、「驌龍」、「飛躍之駒」及「醒目精伶」都係六至九倍，大熱就例牌唔掂，熱門保衛者要小心嘞！值得一提係兩個阿 John ，摩蔡兩廐大利此賽， 2 0 1 1 年兩人包辦三重彩，另外 2 0 1 2 及 2 0 1 4 年兩屆一 Q 一位置 Q ，呢次大摩以「飛龍駒」單挑蔡神仙三駒，收錢唔通就係咁簡單？

● 粵港盃：去年首次舉辦，由蔡廐「川河首駒」力挫「威武福星」，「川河首駒」英文名 Sichuan Exec 好有祖國色彩，今場「軍功」 Jun Gong 性質同出一轍，可能頭馬就在此都未定。